Dünya

Rekord isti temperaturdan 38 nəfər öldü

Cənubi Asiya ölkəsi Tailandda fevral ayından bu yana istilər nəticəsində ən azı 38 nəfər ölüb. Tayland Meteorologiya Departamentinin məlumatına görə, paytaxtda tarixdə ən isti aprel ayı olub və hiss olunan temperaturun bəzi yerlərdə 54 dərəcəyə çatdığı qeydə alınıb.

Tayland Səhiyyə Nazirliyinin müavini Dr. Atthapol Kaewsamrit açıqlamasında fevralın 22-dən bəri ölkədə həddindən artıq istilər səbəbindən ən azı 38 nəfərin öldüyünü və hadisələrin əksəriyyətinin açıq havada işləyənlər, xəstəlikləri olan insanlar və yaşlılardan ibarət olduğunu bildirib.

İsti dalğanın yay mövsümünün son günlərinə qədər təsirini davam etdirəcəyini bildirən Attapol, Taylandlılara və ölkəyə gələn turistlərə bir həftə ərzində günorta saatlarında lazım olmadıqca çölə çıxmamaları və bol maye içmələri barədə xəbərdarlıq edib. Taylandın Fəlakətlərin Qarşısının Alınması Departamenti (DDPM) də ölkənin 12 əyaləti üçün rəsmi xəbərdarlıq edib.

O, havanın temperaturunun bəzən 40 dərəcəni keçdiyi Yala, Phuket, Krabi, Trat, Chon Buri, Pattani, Surat Thani, Phang Nga, Rayong, Chanthaburi, Samut Prakan və Banqkokda əhaliyə lazımi ehtiyat tədbirlərini görmələri barədə xəbərdarlıq edib.

Mütəxəssislər bildirirlər ki, ölkədə normal olaraq may ayında başlayan yağışlı mövsümün ləngiməsi dünyada baş verən iqlim dəyişikliyi ilə bağlıdır.

Mənbə: Ntv.Tr

Aynur Camal

Oxşar xəbərlər

Kim Çen In silah fabriklərini yoxladı: Sınaq atəşində hədəfi 12 dəfə vurdu

Aynur Camal

Vladimir Putin Qazaxıstana səfər edəcək

Aynur Camal

Yunanıstan 35 kilometrlik polad hasar tikir

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu