Bugun.tv xəbər verir ki, ABŞ və İran arasında davam edən diplomatik danışıqlarda müəyyən müsbət siqnallar müşahidə olunsa da, tərəflər əsas məsələlər üzrə hələ də razılığa gələ bilməyiblər.
Reuters-in yaydığı digər məlumata görə, Vaşinqton və Tehran arasında əsas fikir ayrılığı İranın zənginləşdirilmiş uran ehtiyatı və Hörmüz boğazına nəzarət məsələsi ətrafında davam edir. ABŞ dövlət katibi Marko Rubio danışıqlarda “bəzi müsbət əlamətlərin” olduğunu bildirsə də, yekun razılaşmanın hələ əldə olunmadığını vurğulayıb.
ABŞ Prezidenti Donald Trump isə İranın yüksək səviyyədə zənginləşdirilmiş uran ehtiyatlarının Vaşinqton üçün ciddi narahatlıq yaratdığını açıqlayıb. İran tərəfi isə uranın ölkədən çıxarılmasına qarşı olduğunu bəyan edib.
Ekspertlər hesab edirlər ki, tərəflər arasında davam edən gərginlik qlobal enerji bazarlarına və beynəlxalq təhlükəsizlik vəziyyətinə təsir göstərməkdə davam edə bilər.
Mənbə: Reuters