İHA Reuters xəbər agentliyinin əməkdaşı Rayan Evans Ukraynada otelə raket hücumu nəticəsində həlak olub.
Məlumatda bildirilir ki, Böyük Britaniyada yerləşən Reuters xəbər agentliyi Ukraynadakı müharibəni izləyən komandada təhlükəsizlik üzrə məsləhətçi vəzifəsində çalışan Rayan Evansın şənbə günü Kramatorsk şəhərində qaldığı otelə raket hücumu nəticəsində öldüyünü açıqlayıb.
Hücum zamanı 6 nəfərlik komandadan 2 jurnalistin yaralandığı, xəstəxanaya yerləşdirilən jurnalistlərdən birinin vəziyyətinin ağır olduğu qeyd edilib.
“Ryanın ailəsinə və yaxınlarına dərin hüznlə başsağlığı veririk. Rayan bir çox jurnalistlərimizə dünyada baş verən hadisələri işıqlandırmaqda köməklik edib. Onun üçün çox darıxacağıq”, – bəyanatda deyilir.
Ukrayna Polisindən verilən açıqlamada, Evansın cansız bədəninin dünən yerli vaxtla saat 18.35 radələrində, hücumdan təxminən 19 saat sonra dağıntılar altından çıxarıldığı bildirilib. Ukrayna prezidenti Vladimir Zelenski Evansın ailəsinə və dostlarına başsağlığı verib və bunun hər gün davam edən “Rusiya terroru” olduğunu bildirib.
Məsələ ilə bağlı Rusiyadan rəsmi açıqlama verilməyib.
Britaniya vətəndaşı və keçmiş hərbçi olan 38 yaşlı Rayan Evans 2022-ci ildən Reuters-də təhlükəsizlik üzrə məsləhətçi işləyirdi.
Mənbə: Haber Global