Rusiya Hindistan, Suriya və İndoneziya da daxil olmaqla, altı ölkə ilə sadələşdirilmiş viza rejiminə dair sazişlər hazırlayır.
Bugun.tv xəbər verir ki, bu barədə Rusiya xarici işlər nazirinin müavini Yevgeni İvanov TASS-a bildirib.
“Hindistanla yanaşı, biz də Anqola, Vyetnam, İndoneziya, Suriya və Filippinlə viza rejiminin qarşılıqlı sadələşdirilməsini nəzərdə tutan hökumətlərarası saziş layihələri üzərində işləyirik”, – deyə xarici işlər nazirinin müavini bildirib.
Daha əvvəl İvanov Rusiyanın Bəhreyn, Oman, Səudiyyə Ərəbistanı, Baham adaları, Barbados, Haiti, Zambiya, Küveyt, Malayziya, Meksika, Trinidad və Tobaqo da daxil olmaqla, 11 ölkə ilə vizasız gediş-gəliş haqqında sazişlər üzərində işlədiyini açıqlamışdı.