Bugun.tv xəbər verir ki, Rusiya Ukraynanın Odessa vilayətində gecə saatlarında pilotsuz uçuş aparatları (PUA) ilə həyata keçirdiyi hücumda liman infrastrukturuna, taxıl silosu və inzibati binaya ziyan dəydiyi bildirilib. Ukraynanın Odessa vilayətinin Hərbi Administrasiyasının rəhbəri Oleq Kiper sosial media hesabından açıqlama verərək, Rusiyanın bölgənin cənubundakı İzmail rayonuna gecə saatlarında 3 saat ərzində hücum təşkil etdiyinə diqqət çəkib. Bu, son 5 gündə rayona edilən dördüncü hücumdur. Ukrayna Hərbi Hava Qüvvələri Komandanlığından verilən yazılı açıqlamada, Rusiya ordusunun gecə saatlarında Şahed-136/131 tipli PUA-larla Sumi və Odessa bölgələrinə hücum etdiyi bildirilib. Bəyanatda, əksəriyyəti Odessanın cənub bölgələri istiqamətində olmaqla ümumilikdə 33 Rusiya PUA-nın havaya buraxıldığı, “Ukrayna müdafiə qüvvələrinin hava hücumundan müdafiəsi ilə əməkdaşlıq çərçivəsində 25 PUA məhv edilib” deyilir.
Müxbir: Şəms Elnurqızı