Bugun.tv xəbər verir ki, Rusiya yeni razılaşmadan sonra ilk dəfə Suriyadakı hərbi obyektlərinə təchizat göndərib.
Al Jazeera yazır ki, Rusiya yük gəmisi Sparta Suriyanın Aralıq dənizi sahilində yerləşən Tartus limanına daxil olub. Bu, Moskvanın Dəməşqlə hərbi bazaların gələcəyi ilə bağlı yeni razılaşmasından sonra bölgəyə ilk təchizat səfəri kimi qiymətləndirilir.
Məlumata görə, Suriya və Rusiya Tartus və Hmeymimdəki hərbi obyektlərin birgə təlim və hazırlıq mərkəzlərinə çevrilməsi barədə razılığa gəliblər. Razılaşma Rusiyanın Suriyadakı hərbi mövcudluğunun əvvəlki formatdan fərqli şəkildə davam etdirilməsini nəzərdə tutur.
Al Jazeera-nın məlumatına əsasən, bu addım Moskvanın Suriyada hərbi və strateji mövcudluğunu qorumaq niyyətini göstərən mühüm inkişaf kimi qiymətləndirilir. Tartus Rusiyanın Aralıq dənizində əsas dəniz dayaqlarından, Hmeymim isə bölgədəki mühüm hava bazalarından biri olub.
Mənbə: Aljazeera