Rostov vilayətində sərnişin avtobusu beton hasara çırpılıb, 6-sı uşaq olmaqla, 13 nəfər yaralanıb.
Bugun.tv-nin məlumatına görə, hadisə cümə günü səhər saatlarında Kamensk-Şaxtinskidə baş verib. İlkin məlumata görə, sürücü pisləşib və idarəetməni itirib. Bundan sonra avtobus sürətlə beton hasara və ağaca çırpılıb.
Toqquşma nəticəsində sərnişinlər bir-birinin üstünə yıxılıb, salonda tutacaqlar və oturacaqlar qopub.
Sürücü və 6-sı uşaq olmaqla, 13 nəfər xəsarət alıb və onlar xəstəxanaya yerləşdirilib.
Mənbə: “MVD Media”