Bugun.tv xəbər verir ki, Rusiyanın xarici işlər naziri Lavrov Hindistanın paytaxtı Yeni Dehlidə keçirilən G20 Liderlər Sammitinin bağlanmasından sonra mətbuat konfransı keçirib.
Ermənistanda bəzi rəsmilərin sual üzərinə “Moskva Qarabağı Azərbaycana verib” bəyanatları səsləndirdiyini xatırladan Lavrov bu bəyanatların tamamilə yalan və vicdansız olduğunu vurğulayıb.
Lavrov xatırladıb ki, Ermənistan özü də bu regionun Madrid prinsipləri ilə Azərbaycanın bir hissəsi olduğunu qəbul edib.
Ermənistanın gələn həftə ABŞ-la planlaşdırdığı hərbi təlimi şərh edən Lavrov deyib: “Ermənistan administrasiyasının hərəkətlərindən təəssüflənirik. Təbii ki, təcavüzkar NATO ölkəsinin Cənubi Qafqaza girməyə cəhd etməsini yaxşı hal kimi görmürük. Düşünürəm ki, bu, Ermənistan da daxil olmaqla, heç kimə yaxşı deyil. Harada olursa olsun, amerikalılar peyda olur, onların dünyanın hər yerində yüzlərlə bazası var. Bu, yaxşı nəticəyə gətirib çıxarmır”, – bildirib.
Mənbə: TRT Haber