Dünya

Rusiyadan NATO-ya mesaj

Kremlin sözçüsü Dmitriy Peskov NATO-nun Ukrayna ilə bağlı gərginliyi artırdığını bildirib və “NATO Ukrayna məsələsində birbaşa iştirak edir” deyib.

Digər tərəfdən, Rusiya prezidenti Vladimir Putin Ukraynanın NATO-ya üzv olacağı təqdirdə müharibə olacağına işarə etmişdi.

Özbəkistanın paytaxtı Daşkənddə Rusiyanın “İzvestiya” qəzetinə açıqlama verən Peskov, NATO baş katibi Yens Stoltenberqin “Ukraynanın verdiyi silahlarla Rusiya ərazisini vurmaq hüququ olmalıdır” ifadəsini dəyərləndirərkən bu ifadələrdən istifadə edib: “NATO Ukrayna məsələsində birbaşa iştirak edir. Bu Stoltenberqin şəxsi fikri ola bilməz. O, rəsmidir, NATO-nun baş katibidir. Biz bunu belə qəbul edirik. NATO gərginliyin dərəcəsini artırır. NATO hərbi ritorikadan istifadə edir. Bu, gələcəkdə həll etməli olacağımız bir şeydir.” “Əsgərlərimiz nə etmək lazım olduğunu bilirlər və bunu dayandırmaq üçün xüsusi hərbi əməliyyatı davam etdirirlər”.

Stoltenberqin “NATO Rusiya ilə birbaşa qarşıdurmaya qarışmaq niyyətində deyil” açıqlamasına diqqət çəkən Peskov, “Bunlar ziddiyyətli ifadələrdir. Rusiya ilə münaqişəyə birbaşa qarışırlar” deyib.

Rusiya xarici işlər naziri Sergey Lavrov da Stoltenberqin səlahiyyətlərini aşan bir açıqlama verdiyini ifadə edərək, “Stoltenberq NATO üzvləri tərəfindən də pisləndi. Baş katibin məsləhətləşmədən alyans üzvləri adından danışmaq məsuliyyətini öz üzərinə götürə biləcəyini düşünmürəm” deyib.

Stoltenberq “The Economist” jurnalına verdiyi açıqlamada bildirib ki, Ukraynaya silah verən müttəfiq ölkələr Rusiyadakı hərbi hədəfləri vurmaq üçün NATO silahlarından istifadə etməmək qərarlarını geri götürməlidirlər.

PUTİN NATO-ya XƏBƏRDARLIQ ETDİ: ƏGƏR, UKRAYNA GİRSƏ, MÜHARİBƏ BAŞLANACAQ

Rusiya prezidenti Vladimir Putin və Fransa prezidenti Emmanuel Makron 2 il əvvəl Moskvada “Rusiyanın təhlükəsizlik zəmanətləri və Ukrayna böhranını” müzakirə ediblər. Ukraynanın NATO-ya daxil ediləcəyi təqdirdə müharibə olacağına işarə edən Putin, Fransa başda olmaqla Avropa ölkələrinin Krımı Ukraynanın, Moskvanın isə Krımı Rusiyanın bir hissəsi hesab etdiyini xatırladıb.

Mənbə: Ahaber

Aynur Camal

Oxşar xəbərlər

Dünya bloqerin asılmasına etiraz edir

Aynur Camal

Hizbullahdan İsrailə raket hücumu! Bir çox yerdə yanğın baş verib

Aynur Camal

NATO-nun baş katibi vəzifəsini kim icra edəcək

İntizar Əmirova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu