Tədbir T.Bəkirovun təhsil aldığı Ucar rayon 1saylı məktəbdə təşkil olunub. Mərasimə şəhid ailələri, qazilər, ictimaiyyət nümayəndələri və dostları qatılıb.
Bugun.tv xəbər verir ki, əvvəlcə şəhidin məzarı ziyarət olunub. Üzərinə tər-çiçəklər düzülüb. Ruhuna dualar oxunub. Sonra şəhidlərimizin əziz xatirəsi bir dəqiqəlik sükütla yad edilib.
Dövlət himni səsləndirilib. Müəllimlər qəhrəman şagirdləri T.Bəkirovdan kövrək və qürur hissi ilə danışıblar. Bir məktəbin iki qəhrəman şəhidi olduğunu vurğulayıblar. Şagirdlər hərbi formada şerlər səsləndiriblər. Kompazisiyalarla çıxış ediblər.
Qeyd edək ki, Təbriz Bəkirov 26 yanvar 1993-cü il Ucar rayon Bagırbəyli kəndində anadan olub. Ali təhsilli idi. Doğmalarının sözlərinə görə, ən böyük arzusu dövlət qulluqçusu kimi xalqına xidmət etmək olub.
2020-ci ilin 27 sentyabrında o da, digərləri kimi, Vətənin səsinə səs verib, döyüşlərə qatılıb. Suqovuşanın azad olunmasında şücayət göstərib.
Oktyabrın 4-də Ağdərə uğrunda gedən döyüşlərdə şəhid olub. Doğulduğu kənddə torpağa tapşırılıb. Ölümündən sonra “Vətən uğrunda”, “Suqovuşanın azad olunmasına” görə medalları ilə təltif olunub.
Ruhu şad olsun!
Müəllif: Səbinə Mirzəqızı