Xavier siklonu, Sakit okean, Kuk adaları, tropik siklon, beşinci kateqoriya, güclü külək, təbii hadisələr, dünya xəbərləri
Dünya

Sakit okeanda Xavier qasırğası beşinci kateqoriyaya yüksəldi

Bugun.tv xəbər verir ki, Sakit okeanın cənubunda, Şimali Kuk adaları yaxınlığında hərəkət edən Xavier tropik siklonu beşinci kateqoriyaya qədər güclənib. Bu, tropik siklonlar üçün ən yüksək güc səviyyəsidir.

Fici Meteorologiya Xidmətinin noyabrın 18-də yaydığı məlumata görə, siklonun mərkəzində davamlı küləyin sürəti saatda 215–220 kilometrə çatır. Son 24 saat ərzində sürətlə güclənən Xavier bölgədə ciddi hava təhlükəsi yaradıb.

Şimali Kuk adalarının bəzi ərazilərində güclü külək xəbərdarlığı qüvvədədir. Pukapuka və Nassau adaları üçün fırtına xəbərdarlığı, Suvarrou üçün isə təhlükə barədə xəbərdarlıq elan edilib. Manihiki və Rakahanga adalarında da güclü külək gözlənilir.

Mütəxəssislər güclü yağış, şimşəkli leysan, yüksək dalğalar və sahilboyu ərazilərin su altında qalması riskinə diqqət çəkirlər.

Proqnoza əsasən, siklonun mərkəzinin adalara birbaşa toxunması gözlənilmir. Bununla belə, təhlükəli hava şəraiti mərkəzdən xeyli uzaq ərazilərdə də müşahidə oluna bilər. Sakinlərə yerli meteoroloji qurumların xəbərdarlıqlarını izləmək tövsiyə edilir.

Mənbə: www.fbcnews.com

Aynur Camal

Oxşar xəbərlər

Yeni çobanyastığı növünə alim Pieter Pelserin adı verildi

Aynur Camal

Kembric lüğəti 2026-cı ilin sözünü seçdi: “İnsan”

Aynur Camal

Si Cinpin və Vladimir Putin Şençjendə görüş keçirdilər

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz.Qəbul edinƏtraflı Oxu