Moskva və Minskə qarşı Qərb tərəfindən elan edilməmiş müharibə aparılır.
Bugun.tv xəbər verir ki, bu barədə Rusiyanın müdafiə naziri Sergey Şoyqu belaruslu həmkarı Viktor Xreninlə görüşündə deyib.
“Bu gün biz kollektiv Qərblə üz-üzəyik. O faktiki olaraq ölkələrimizə qarşı elan olunmamış müharibə aparır”, – Şoyqu bildirib.
Onun sözlərinə görə, NATO-nun hərbi fəaliyyəti son vaxtlar ən aqressiv olub.
Hazırda Şimali Atlantika Alyansının Şərqi Avropada Birləşmiş Silahlı Qüvvələrinin döyüş hazırlığını artırmaq üçün bir sıra tədbirlər həyata keçirilir.
Mənbə: TASS