Ukraynada pilotsuz uçuş aparatlarının (PUA) istehsalı üçün yeraltı müəssisələrdən ibarət şəbəkə fəaliyyət göstərir.
Bugun.tv xəbər verir ki, bu barədə Britaniyanın Sky News televiziya kanalı yeraltı istehsal müəssisələrindən birindən hazırladığı reportajda məlumat yayıb.
Telekanalın müxbiri Stüart Ramzayın sözlərinə görə, təhlükəsizlik səbəbindən yeri açıqlanmayan müəssisədə uzun mənzilli pilotsuz uçuş aparatları istehsal olunur. Bildirilir ki, şəbəkənin müəssisələrində gündəlik 200-dən çox dron hazırlanır. Reportaj zamanı yeni nəsil FP1 pilotsuz uçuş aparatı da nümayiş etdirilib.
Məlumata görə, Ukrayna son aylarda hərbi istehsal və logistika infrastrukturunu qorumaq məqsədilə istehsal obyektlərini müxtəlif gizli məkanlarda yerləşdirməyə çalışır.
Eyni zamanda, Forbes Ukraine nəşri yazır ki, iyulun əvvəlindən bəri baş verən partlayışlar və yanğınlar nəticəsində ölkədə dağıdılmış anbar və logistika mərkəzlərinin ümumi sahəsi 400 min kvadratmetrdən çox olub. Avqustun 5-də Ukraynanın Baş naziri Sergey Koretski logistika sisteminin bərpasını sürətləndirmək üçün biznes nümayəndələri ilə təcili görüşlər keçiriləcəyini açıqlayıb.
Mənbə: TASS