6 C
Baku
30 Yanvar 2023, 6:12
Baş xəbər

“Sözümüz namusumuzdur və biz sözümüzü hər zaman tutarıq”!

    Hulusi Kılıç: “Sözümüz namusumuzdur və biz sözümüzü hər zaman tutarıq”!

Türkiyənin Azərbaycandakı sabiq səfiri, İMZA Sosial İnkişafa Dəstək İctimai Birliyinin Türkiyə rəhbəri, Türk Ağsaqqalları Birliyinin Türkiyə və Türk dünyası üzrə həmsədri Hulusi Kılıç Bugün.tv-yə açıqlamasında ölkəmizdə keçirilən hərbi təlimlərə münasibət bildirib:

 “Türk general-polkovniki Bəxtiyar Paşa Azərbaycandakı əsgəri təlmləri Azərbaycanın müdafiə naziri Zakir Həsənovla birlikdə izlədi. Bəxtiyar Paşa Türk Silahlı Qüvvələrinin dəyərli generallarından biridir. Onun Azərbaycan əsgərinin formasını geyməsi hər kəsin diqqətini çəkməkdədir. Hər kəs bilməlidir ki, hər bir türk zabiti Azərbaycan  əsgərinin hərbi mundirini geyməkdən qürur duyar. Hər bir türk diplomatı Azərbaycanın diplomatik məsələlərini izləməkdən şərəf duyar. Biz bir millət, lazım olanda bir dövlətik. Şuşa Bəyannaməsi bizə bu vəzifəni yükləməkdədir. Bu, müqəddəs bir vəzifədir. Bunun nə qədər ciddi olduğunu general-polkovnik Bəxtiyar Paşa əməli şəkildə göstərmişdir.

  1918-ci ildə Qafqaz İslam Ordusunun gəlişi bizim aramızdakı qardaşlıq əlaqələrinin hansı səviyyədə olduğunu göstərir. 1993-cü ildə Ermənistan Azərbaycan torpaqlarını işğal səbəbi ilə Türkiyə Ermənistanla diplomatik əlaqələri kəsdi və sərhədləri bağladı. Biz sözümüzü tutarıq. Bizim sözümüz namusumuzdur.

  Birliyimiz daimidir. Birliyimiz gücümüzdür. Hərbi təlimlər də uğrula davam etməkdədir. Mən həm Bəxtiyar Paşanı, həm Azərbaycanın müdafiə nazirini, həm də Azərbaycanın qəhrəman əsgərlərini təbrik edirəm. Bəxtiyar Paşanın Azərbaycan hərbi mundirini geyməsini məmnuniyyət və təqdirlə qarşılayıram”.

Oxşar xəbərlər

Siyasi ekspert tələbələrə master klass keçib

Aynur Camal

E.Musaviyə Fəxri ad verildi…

Şükufə Ramizqızı

BBC World “Azərbaycan Möcüzələri” serialının ilk bölümünü təqdim edəcək

Sabina Uğur

Şərh yazın