Astronomlar 2025-ci ilin yanvarında buraxılan SpaceX Falcon 9 raketinin üst mərhələsinin bu yay Ay səthinə düşəcəyini bildiriblər. Məlumata görə, obyektin 5 avqust tarixində Ayın Yerə baxan tərəfinə çarpması gözlənilir.
Mütəxəssislərin izləmələrinə əsasən, təxminən 13,8 metr uzunluğunda olan bu kosmik tullantı saniyədə 2,43 kilometr sürətlə hərəkət edir. Bu isə onun Səs sürəti-dən təxminən 7 dəfə daha sürətli olması deməkdir.
Astronom Bill Gray tərəfindən aparılan hesablamalara görə, raket parçası Ay səthində yerləşən Eratosthenes krateri yaxınlığına düşə və kiçik yeni krater əmələ gətirə bilər.
Hadisənin Yer üzündən müşahidəsi çətin olsa da, çarpışma anında Ayın görünən tərəfində qısa parıltı yarana biləcəyi ehtimal olunur. Lakin bu hadisənin Yer teleskopları ilə detallı şəkildə qeydə alınması çətin hesab edilir.
Mütəxəssislər bu kimi halların gələcək kosmik missiyalar üçün risk yarada biləcəyini bildirir və istifadə olunmuş raket hissələrinin Günəş ətrafında təhlükəsiz orbitlərə yönləndirilməsini təklif edirlər.
Mənbə: EnSonHaber