Süni intellekt texnologiyası koronavirusun bütün variantları, eləcə də Ebola kimi təhlükəli viruslara qarşı təsir göstərə biləcək yeni nəsil peyvəndlərin hazırlanmasında istifadə olunur.
Bugun.tv xəbər verir ki, bu barədə BBC-nin yayımladığı məlumatda bildirilir. Məlumata görə, Kembric Universiteti alimləri süni intellektdən istifadə edərək müxtəlif virus ailələrinə qarşı geniş qoruma təmin edə biləcək innovativ peyvənd üzərində çalışırlar.
Araşdırma çərçivəsində müxtəlif koronaviruslara aid genetik məlumatlar süni intellekt tərəfindən təhlil edilib. Nəticədə sistem virusların mutasiyaya uğraması və ya heyvanlardan insanlara keçməsi hallarında belə immun sistemini qorumağa kömək edə biləcək xüsusi “super antigen” dizayn edib.
Alimlər bildirirlər ki, layihə hələ ilkin mərhələdə olsa da, artıq qrip və Ebola viruslarına qarşı da oxşar peyvəndlərin hazırlanması istiqamətində işlər aparılır.
Mütəxəssislərin fikrincə, bu texnologiya gələcək pandemiyaların qarşısının alınmasında mühüm rol oynaya bilər.
Mənbə: BBC