Anthropic şirkəti, süni intellekt, 81,3 milyard dollar, rekord IPO, Nasdaq birjası, Claude süni intellekt, SpaceX, texnologiya bazarı
Texnologiya

Süni intellekt şirkəti Anthropic tarixdə ən böyük IPO ilə 81,3 milyard dollar vəsait cəlb edib

Bugun.tv xəbər verir ki, süni intellekt texnologiyaları sahəsində fəaliyyət göstərən ABŞ-ın Anthropic şirkəti səhmlərinin ilkin kütləvi təklifi (IPO) vasitəsilə 81,3 milyard dollar vəsait cəlb edərək dünya maliyyə bazarlarında rekorda imza atıb.

“Al Jazeera”nın 19 noyabr tarixli məlumatına görə, şirkətin səhmləri hər biri 83 dollardan satışa çıxarılıb. Ümumilikdə şirkət və onun yeddi həmtəsisçisi 980 milyon səhm təqdim edib. İnvestorların marağının gözləniləndən xeyli yüksək olması səbəbindən təklifin həcmi artırılıb.

Bu göstərici iyun ayında 75 milyard dollarlıq səhm təklifi ilə rekorda imza atan “SpaceX” şirkətinin nəticəsini də geridə qoyub.

Səhm satışından sonra Anthropic şirkətinin bazar dəyərinin təxminən 1,5 trilyon dollar olacağı qiymətləndirilir. Bu göstərici ilə şirkətin dünyanın ən böyük şirkətləri sırasında yer alacağı bildirilir.

2021-ci ildə yaradılan Anthropic süni intellekt sahəsində tanınan şirkətlərdən biridir. Onun hazırladığı “Claude” süni intellekt köməkçisi dünya üzrə geniş istifadə olunur.

Şirkətin səhmlərinin 19 noyabr tarixində Nyu-Yorkun Nasdaq fond birjasında “ANT” işarəsi ilə ticarətə başlaması nəzərdə tutulur.

Mənbə: Al Jazeera

Aynur Camal

Oxşar xəbərlər

Voyager 1 Yerdən bir işıq günü uzaqlığa çatacaq

Aynur Camal

ABŞ Çinin qabaqcıl süni intellekt çiplərinə dolayı çıxışını məhdudlaşdırır

Aynur Camal

SpaceX tarixə düşdü: “Starship” orbitdən qayıdaraq mexaniki qollarla tutuldu

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz.Qəbul edinƏtraflı Oxu