-3 C
Baku
28 Fevral 2024, 3:50
Baş xəbər

Suqovuşanda şəhidliyə ucalan Taleh Muxtarovun anım günüdür

Kəlbəcərdə doğulub, Suqovuşanda şəhidliyə ucalan Taleh Muxtarovun anım günüdür.

“Bugün.tv” xəbər verir ki, Vətən Müharibəsi şəhidi Muxtarov Taleh Həşim oğlu 01.12.1985-ci ildə Kəlbəcərdə anadan olub.

Vətən müharibəsi başlayandan qardaşı ilə birgə döyüşə yollanan Taleh Muxtarov Tərtər rayonunun Suqovuşan və Talış istiqamətlərində gedən döyüşlərdə igidlik göstərib.

Şəhidlik zirvəsinə ucalan qəhrəmanımız Kəlbəcərdə doğulmuşdu və hələ uşaqlıqdan düşməndən qisas almaq hissi ilə yaşayırdı.

Kəlbəcərdə doğulmuşdu Taleh Muxtarov, 8 yaşı olanda isə mənfur düşmənin hücumu nəticəsində doğma yurdunu ailəsi ilə birgə tərk etməyə məcbur qalmışdı. Goranboyun Yeni Yol kəndində məskunlaşıb orda böyüyüb.

Hələ kiçik yaşlarından doğma yurdunu azad edəcəyini, Birinci Qarabağ müharibəsində itirdiyi əmisinin qisasını alacağını deyirdi. Vətən müharibəsi başlayanda isə qardaşı Tural ilə birgə könüllü döyüşə yollanıb. Anasına sonuncu dəfə zəng vuraraq Kəlbəcərə bayraq asacağına söz verib.

Taleh Muxtarov Tərtər rayonunun Suqovuşan və Talış istiqamətlərində gedən döyüşlərdə igidlik göstərib. Oktyabrın 18-də isə ən uca zirvəyə – şəhidliyə yüksəlib. Tural Muxtarov qardaşının şəhid xəbərini döyüşdə olduğu zaman alıb.

Şəhidlik zirvəsinə ucalan Taleh Muxtarov “Vətən uğrunda” medalı ilə təltif edilib. İndi onun Səbinə və Aydan adlı qızları bizə yadigar qalıb.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 2020-ci il 15 dekabr tarixli Sərəncamına əsasən Taleh Muxtarov ölümündən sonra “Vətən uğrunda” medalı ilə təltif edilib.

ALLAH RƏHMƏT ELƏSİN!

Aynur Camal

Oxşar xəbərlər

Çində 49 avtomobil toqquşub, azı 16 nəfər ölüb

Aynur Camal

Putin Rusiya Təhlükəsizlik Şurası ilə Qarabağdakı vəziyyəti müzakirə edib

Bugün TV

Azərbaycan torpağı olan Qarabağa köçürülən ermənilər 200 ildir ki, azərbaycanlılara qarşı təxribatını davam etdirir

İntizar Əmirova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu