Qoşulmama Hərəkatına üzv dövlətlərin informasiya və kommunikasiya sahəsinə məsul nazirlərinin “Dayanıqlı İnkişaf Məqsədlərinin həyata keçirilməsi çərçivəsində İKT infrastrukturunun inkişafı” mövzusuna həsr olunan görüş keçirilib.
Bugun.tv xəbər verir ki, bu barədə Azərbaycan Respublikasının Rəqəmsal İnkişaf və Nəqliyyat naziri Rəşad Nəbiyev facebook səhifəsində paylaşım edib.
O bildirib ki, görüşdə Azərbaycanda İKT infrastrukturunun inkişafı, xüsusilə əhalinin sürətli genişzolaqlı internetə çıxış imkanlarının artırılması istiqamətində həyata keçirilən tədbirlər haqqında danışılıb.
Həmçinin dayanıqlı İnkişaf Məqsədlərinə nail olmaq üçün İKT infrastrukturunun inkişafı ilə bərabər kadr potensialının artırılmasının vacibliyini vurğulanıb.
Görüşün sonunda Birgə Bəyannamə qəbul edilib.
