Bugün.tv saytına Mingəçevir şəhər sakini Şərifova Tofiqə Zakir qızı problemləri ilə bağlı müraciət edib.
Xanımın dediyinə görə ona dövlət tərəfindən ayrılmış pensiya kəsildikdən sonra vəziyyəti daha da ağırlaşıb.
“Heç bir yerdən gəlirim yoxdur. Səhhətimin vəziyyəti işləməyə imkan vermir. 20 il Tekstil də çalışmışam. Yataqxana şəraitində körpə nəvəmə baxa bilmirəm”.
Vətəndaş düşdüyü çətin vəziyyətlə əlaqədar olaraq Mingəçevir şəhər İcra Hakimiyyətinin Başçısı İlham İsmayılov və millət vəkili Aydın Mirzəzadəyə müraciət etdiyini bildirib.
Bugün.tv olaraq millət vəkili Aydın Mirzəzadə ilə əlaqə saxladıq və O bildirdi ki, məsələ araşdırılacaq, lazımı tədbirlər görüləcək.