Səudiyyə Ərəbistanı və bəzi ərəb ölkələrində gözlənilməz qar yağıb. İl boyu isti iqlimi ilə tanınan Səudiyyə Ərəbistanı və bəzi ərəb ölkələrində qarın təsirli olduğu bildirilir.
Səudiyyə Ərəbistanı Milli Meteorologiya Mərkəzinin X hesabından verilən açıqlamada qar yağışının ölkənin şimal-qərbindəki Təbuk bölgəsində təsirli olduğu bildirilib.
İordaniya Meteorologiya Müdirliyi ölkədə soyuq dalğanın fevralın 5-dən etibarən davam etdiyini açıqlayıb. Açıqlamada İordaniyanın cənubundakı bəzi bölgələrə səhər saatlarında yağan qarın təsirli olduğu bildirilib.
İordaniya Dövlət televiziyası Əl-Memleke ölkənin şərq və cənub bölgələrində yağan qarın qış həvəskarlarına xoş anlar yaşatdığına diqqət çəkib. Livanın rəsmi xəbər agentliyi NNA-da yer alan xəbərdə ölkənin şərqindəki bir çox şəhərin ağ rəngə büründüyü bildirilib.
Xəbərdə bəzi yerlərdə qarın qalınlığının 30 santimetr olduğu, bəzi məktəblərdə təhsilin dayandırıldığı qeyd edilib.
İraq Meteorologiya İdarəsi həmçinin ölkənin mərkəzi və şimal bölgələrində dağlıq ərazilərdə qarın davam edə biləcəyini bildirib.
Mənbə: TgrtHaber