Cənubi Koreyanın avtomobil istehsalçısı Hyundai təhlükəsizlik riski səbəbindən genişmiqyaslı geri çağırma qərarı qəbul edib.
Məlumata görə, şirkət təhlükəsizlik kəmərinin bərkidilmə nöqtələrində aşkar edilən istehsal qüsuru səbəbindən ümumilikdə 294 min 128 avtomobili geri çağıracaq.
ABŞ-ın Milli Avtomobil Yolları Təhlükəsizliyi İdarəsi (NHTSA) tərəfindən yayımlanan rəsmi açıqlamada qeyd olunub ki, bu qüsur qəza zamanı təhlükəsizlik kəmərinin bağlantı hissəsinin qopmasına və ya yerindən çıxmasına səbəb ola bilər.
Geri çağırma kampaniyası Hyundai Ioniq 6, Genesis G90, Hyundai Santa Fe və Hyundai Santa Fe Hybrid modellərini əhatə edir.
Şirkət artıq bu avtomobillərin yoxlanılması və təmiri üçün rəsmi servis şəbəkəsini hərəkətə gətirib. Texniki baxış zamanı təhlükəsizlik kəmərinin bərkidilmə hissələri yoxlanılacaq və zərurət yarandıqda dəyişdiriləcək.
Mənbə: Ensonhaber