Bugun.tv xəbər verir ki, Birinci Qarabağ müharibəsi iştirakçısı, yazıçı, şair, ssenarist, rejissor, tanınmış televiziya işçisi Füzuli Sabiroğlu mükafatlandırılıb. Bu barədə məlumatı Qərbi Azərbaycan İcmasının rəhbəri Əziz Ələkbərli öz sosial media hesabında yayıb.
O bildirib ki, “Qərbi Azərbaycanın bütün bölgələri ilə bağlı 20 seriyalı sənədli filmin müəllifi, ən əsası isə xalqımızın dəyərli ziyalı oğlu, Qərbi Azərbaycan İcması Ziyalılar Şurasının üzvü Füzuli Sabiroğlunu Qərbi Azərbaycan İcması İdarə Heyətinin qərarı ilə Fəxri Fərmanla təltif etdik. Bir daha ürəkdən təbrik edirik”.
Bugun.tv olaraq biz də dəyərli Füzuli Sabiroğlunu ürəkdən təbrik edir, onu fəaliyyətində uğurlar diləyirik!
