Boko Haram terror təşkilatı Nigeriyanın Neyger əyalətində motosikletlə hücum təşkil edib. Hücumda 10 nəfər həyatını itirib, 160 nəfər qaçırılıb. Nigeriyanın Niger əyalətinin Kuçi bölgəsinə motosikletlə gələn terror təşkilatı Boko Haram üzvləri saatlarla davam edən hücum həyata keçirib. Milli mətbuatda yer alan xəbərə görə, hücumda 10 nəfər həyatını itirib, 160 nəfər isə qaçırılıb. Çox sayda evin yandırıldığı hücumda terrorçular bölgə sakinlərindən ərzaq məhsulları oğurlayıblar.
2000-ci illərin əvvəllərindən Nigeriyada mövcud olan Boko Haramın 2009-cu ildən bəri təşkil etdiyi kütləvi zorakılıqlarda on minlərlə insan həyatını itirib. Təşkilat 2015-ci ildən ölkənin sərhəd qonşuları Kamerun, Çad və Nigerdə də hücumlar həyata keçirir.
Mənbə: TGRT