Tesla və SpaceX-in sahibi, amerikalı milyarder İlon Mask iyunun 22-də sürücüsüz “robotaksi” xidmətini “şərti olaraq” işə salmağı planlaşdırdıqlarını açıqlayıb.
Musk X hesabından verdiyi açıqlamada sürücüsüz taksi xidməti təqdim edən “robotaksi” layihəsini 22 iyunda Texas ştatının Ostin şəhərində işə salmağı hədəflədiklərini bildirib.
Xidməti “müvəqqəti” olaraq xarakterizə edən Musk qeyd edib ki, Teslanın “təhlükəsizliklə bağlı həddindən artıq paranoyası” səbəbindən tarixi dəyişə bilər.
ABŞ mətbuatında bildirilirdi ki, investorlar, Wall Street analitikləri və avtomobil həvəskarları sürücüsüz xidmətin istifadəyə verilməsini səbirsizliklə gözləyirlər.
Mask keçən ay CNBC-yə taksilərə ilkin olaraq uzaqdan nəzarət ediləcəyini və ən təhlükəsiz hesab edilən şəhərin müəyyən əraziləri ilə “coğrafi baxımdan məhdudlaşdırılacağını” söylədi.
Mənbə: TrtHaber