Dünya

Trampın Çin səfərindən qayıdan jurnalistlərin telefonları xüsusi qoruyucu paketlərə qoyulub

ABŞ Prezidenti Donald Trampın Çin səfərindən sonra onunla birlikdə Vaşinqtona qayıdan jurnalistlərə qeyri-adi təhlükəsizlik tədbiri tətbiq edilib. Çində istifadə etdikləri mobil telefonları təyyarə ABŞ-a enənədək xüsusi siqnalbloklayıcı paketlərdə saxlamaq tələb olunub.

Bugun.tv xəbər verir ki, bu barədə “NDTV” və “The Straits Times” nəşrləri məlumat yayıb.

Məlumata görə, Ağ Evin əməkdaşları jurnalistlərdən Çində istifadə etdikləri telefonları təhvil vermələrini istəyiblər. Cihazlar “Faraday” adlanan xüsusi qoruyucu paketlərə yerləşdirilib. Bu paketlər telefonların simsiz rabitə siqnallarını bloklayaraq onların uzaqdan izlənilməsi və məlumat ötürməsi riskini azaltmaq üçün istifadə olunur.

Bundan başqa, Ağ Ev əməkdaşlarının səfər zamanı istifadə etdiyi müvəqqəti telefonlar da toplanaraq sonradan silinmək və ya məhv edilmək üçün ayrılıb.

Rəqəmsal casusluq riskinə qarşı tədbir

Bu təhlükəsizlik tədbiri Trampın Çin Sədri Si Cinpin və Rusiya Prezidenti Vladimir Putinlə Şençjendə keçirdiyi görüşdən sonra həyata keçirilib.

ABŞ rəsmiləri addımın mümkün kəşfiyyat və rəqəmsal casusluq risklərinə qarşı ehtiyat tədbiri olduğunu bildiriblər. Çində istifadə olunan cihazların xüsusi paketlərdə saxlanılması telefonlardakı məlumatların xarici müdaxilədən qorunmasına xidmət edir.

Hadisə beynəlxalq səfərlər zamanı dövlət nümayəndələrinin və jurnalistlərin elektron cihazlarının kibertəhlükəsizliyinin nə qədər ciddi məsələ olduğunu bir daha gündəmə gətirib.

Mənbə: NDTV

Aynur Camal

Oxşar xəbərlər

JPMorgan, Visa və Mastercard müştərilərinin məlumatları kiberhücum zamanı ələ keçirilib

Aynur Camal

Çəhrayı tualet kağızı ənənəsinin 60 illik tarixçəsi var

Aynur Camal

Şimali Koreya nüvə proqramını genişləndirir: Yonbyon obyektində yeni tikinti tamamlandı

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz.Qəbul edinƏtraflı Oxu