Bugun.tv xəbər verir ki, Türkiyə, İraq və Suriyada Ankaranın terrorçu kimi tanıdığı kürd qruplarına dəstəyi dayandırmasını gözləyib Bu barədə Türkiyə Müdafiə Nazirliyindəki mənbəyə istinadən TRT telekanalı məlumat yayıb.
“ABŞ İslam Dövləti (İD, Rusiyada qadağan olunmuş terror təşkilatı) ilə mübarizə bəhanəsi ilə Kürdüstan Fəhlə Partiyası (PKK), Xalq Müdafiə Qüvvələri və Suriya Demokratik Qüvvələri terror təşkilatlarına dəstəyini davam etdirir”, – deyə telekanal sitat gətirib.
Mənbənin sözlərinə görə, “terrorçularla mübarizə terrorçuların köməyi ilə aparıla bilməz”, buna görə də Müdafiə Nazirliyi dost ölkələri, o cümlədən ABŞ-ı “bu terror təşkilatlarına yardım və dəstəyi dayandırmağa və onlara səmimi yardım göstərməyə” çağırıb.
Müdafiə Nazirliyi həmçinin bəyan edib ki, İraqla antiterror məsələlərində daimi əməkdaşlıq qurulub. Bu, Ankaranın apardığı antiterror mübarizəsinə müsbət təsir göstərə bilər.
Bundan əvvəl Türkiyənin İraqda genişmiqyaslı quru hərbi əməliyyatı keçirmək planları barədə məlumat yayılıb. Qeyd edilir ki, onun məqsədi Türkiyə-İraq sərhədinin bütün 378 kilometrini kürd terrorçularından bağlamaq olacaq.
Mənbə lenta.ru