Bugun.tv Anadolu agentliyinə istinadla xəbər verir ki, bu fikri Türkiyə Prezidenti Rəcəb Tayyib Ərdoğan Çinə səfərinin yekunlarına dair təyyarədə jurnalistlərlə söhbətində ifadə edib. Rusiya Prezidenti Vladimir Putinlə keçirdiyi görüşdə Ukrayna müharibəsinin ədalətli sülhlə başa çatmasını müzakirə etdiyini diqqətə çatdıran Türkiyə lideri qeyd edib ki, İstanbuldakı görüşlər bu yolun açıq olduğunun aydın şəkildə isbatıdır. “Müzakirələrin səviyyəsinin mərhələli şəkildə yüksəldilməsi bizim arzu etdiyimiz yoldur. Sülhə olan ümidlər əsaslı və konkret nəticələrlə doğrulmalıdır. Bunun üçün liderlər səviyyəsində bu məsələni müzakirə etmək zərurəti yaranıb”, -deyə Ərdoğan vurğulayıb. O əlavə edib ki, Putinlə ABŞ və Rusiya liderlərinin Alyaska görüşünün nəticələrini də müzakirə edib.
Türkiyə Prezidenti: Rusiya-Ukrayna münaqişəsinin həlli liderlər səviyyəsində müzakirə edilməlidir
