Türkiyə prezidenti Rəcəb Tayyib Ərdoğan, rusiyalı həmkarı Vladimir Putinlə Afrika ölkələrinə un tədarükü ilə bağlı danışıqlar aparmaq istəyir.
“Cənab Putin artıq taxılın Afrika ölkələrinə deyil, Avropaya göndərildiyini qeyd edib. O dedi ki, gəlin inkişaf etməmiş Afrika ölkələrinə taxıl göndərək. Mən də ona cavab verdim ki, siz taxıl göndərin, biz də onu un edib, inkişaf etməmiş ölkələrə göndərək. 2-3 gün ərzində danışıqlar aparacağıq və bunu müzakirə edəcəyik”.
Bugun.tv xəbər verir ki, bunu Ərdoğan Twitter səhifəsində yayımlanan müsahibəsində bildirib.
Xatırladaq ki, Türkiyə prezidenti yanvarın 5-də Ankaranın Rusiya taxılını öz dəyirmanlarında emal edib, Afrikanın yoxsul ölkələrinə göndərməyə hazır olması barədə fikir söyləmişdi.
Mənbə:TASS