Ərdoğan Türkiyədə baş vermiş meşə yanğınlarının qarşısının alınmasında Azərbaycanın lazımi dəstəyi göstərməyə hazır olmasını yüksək qiymətləndirib.
Türkiyə Prezidenti bu addımı ölkələrimiz arasında qardaşlıq və strateji müttəfiqlik münasibətlərinin növbəti təzahürü kimi qiymətləndirib.
“BE-200ÇS” amfibiya tipli təyyarənin qısa zamanda Türkiyəyə göndəriləcəyini söyləyən Prezident İlham Əliyev vurğulayıb ki, yanğınların qarşısının alınması ilə bağlı qardaş ölkəyə əlavə dəstək də göstərməyə hazırdırlar.
Söhbət əsnasında Azərbaycan-Türkiyə arasındakı dostluq, qardaşlıq və müttəfiqlik münasibətlərinin perspektivləri ilə bağlı fikir mübadiləsi aparılıb.