Bugun.tv-nin əldə etdiyi məlumata əsasən, London metrosunda tüstü panikası yaşanıb.
Belə ki, İngiltərənin paytaxtı Londonda Clapham Common stansiyasında tüstünün yarandığı metroda sərnişinlər şüşələri sındıraraq özlərini çölə atıblar.
Çaxnaşma səbəbindən xəttlərdə fasilələr yaranıb.
Platformadakı sərnişinlər qapıları açmağa çalışarkən, vaqonda olanlar şüşələri sındıraraq çölə çıxa biliblər.
“Transport for London” (TfL) ictimai nəqliyyat operatoru tüstünün yanğından yox, metroda havalandırma fanının nasazlığından qaynaqlandığını açıqlayıb.
Hadisə zamanı xəsarət alan olmadığı bildirilib.
Mənbə: BBC