“İSNA” Rusiya mənbələrinə istinadən xəbər verir ki, Ukrayna ilk dəfə olaraq Rusiya daxilindəki hədəflərə qarşı ABŞ istehsalı olan silahlardan istifadə edib.
Rusiya Müdafiə Nazirliyi və Ordusunun məlumatına görə, Ukrayna dünən uzaqmənzilli raket sistemi olan HIMARS ilə axşam saatlarında bu ölkə ilə sərhəddə yerləşən Rusiyanın Belqorod şəhərini hədəfə alıb.
“Forbes” jurnalı bildirib ki, Ukrayna ABŞ prezidenti Co Baydenin icazəsindən bir neçə saat sonra bu əməliyyata başlayıb.
“The Telegraph” qəzeti isə qeyd edib ki, rusiyalı müharibə müxbiri Yevgeni Poddubni öz “Telegram” hesabında paylaşım edərək yazıb ki, düşmən Rusiya ərazisinə Qərb istehsalı olan silah sistemlərindən istifadə etməyə başlayıb. O, Rusiyanın Hava Hücumundan Müdafiə Qüvvələrinin 10 raketi məhv etdiyini də iddia edib.
Mənbə: Azad İran