Bugun.tv xəbər verir ki, İsveçin “Gripen” qırıcılarını Ukraynaya ötürməsi ehtimalı hazırda yalnız nəzəri xarakter daşıyır. Bunu Ukrayna prezidentinin mətbuat katibi Sergey Nikiforov deyib. “Rada” telekanalının efirində sualı cavablandıran sözçü, “praktik olaraq, bundan əvvəl, deyək ki, üç addım var”, – söyləyib.
O, izah edib ki, təyyarələr hələ sınaqdan keçirilir. Sonra təlim olacaq, sonra siyasi razılaşma lazımdır və yalnız bundan sonra təyyarələrin transferi baş tuta bilər. “Hələlik bu, yalnız nəzəri ehtimaldır. Deyək ki, nə etmək olar, ona baxırıq”, – Nikiforov bildirib.
O, əlavə edib ki, Kiyev digər Qərb qırıcılarını əldə etmək imkanlarını nəzərdən keçirərkən, Amerika F-16 qırıcılarının Ukrayna ordusuna təhvil verilməsini hədəfləyir.