Bugun.tv xəbər verir ki, Ukraynanın xarici işlər naziri Dmitro Kuleba, Ukrayna və digər ölkələrin Rusiyasız taxıl ixracatını bərpa etmək üçün danışıqlar apardığını açıqlayıb.
Kuleba bu barədə Nyu Yorkda, Birləşmiş Millətlər Təşkilatının (BMT) binasında mətbuata açıqlama verib.
Rusiyanın Qara Dəniz Taxıl Dəhlizi Müqaviləsini ləğv etdikdən sonra Ukrayna taxılının qlobal bazarlara çatdırılmasının vacib olduğunu deyən Kuleba bunun üçün siyasi iradənin lazım olduğunu bildirib.
“Rusiya razılaşmadan çıxdı. Türkiyə, BMT, Ukrayna və ya digər ölkələr ya mövcud çərçivədən istifadə edə bilər, ya da yeni bir təşəbbüs irəli sürə bilər. Təbii ki, ən böyük problem odur. Ümumilikdə, bütün variantlar müzakirə olunur”.
Mövcud vəziyyətin davam etdirilə bilməyəcəyinə işarə edən Kuleba, “Risk almalıyıq və Rusiya olmadan da davam edə biləcəyimizi göstərməyi bacarmalıyıq”,- deyib.
O bəzi BMT-yə üzv ölkələrin onlara silah vermənin müharibəyə səbəb olduğu düşüncəsində olduğunu bildirib. Əslində isə Ukraynaya silah verilməməsinin ölkənin müharibəni uduzaraq müdafiəsiz qalacağı anlamına gəldiyini vurğulayıb.