Ukrayna Rusiyanın cənubundakı Krasnodar vilayətindəki Kavkaz limanına hücum edib. Hücumda 30 yanacaq çəni olan bərə vurulub. Hücumdan sonra limanda yanğın baş verib. Limanın yerləşdiyi Temryuk şəhərinin inzibatçısı Fyodor Babenkov hücumu təsdiqləyib.
Kuban Bölgəsi Əməliyyat Qərargahından verilən yazılı açıqlamada bərəyə yanacaq çənlərinin yükləndiyi ifadə edilərək, “Kavkaz Limanında dəmir yolu nəqliyyatında istifadə edilən yanacaq çənləri ilə yüklənmiş bərə hücum nəticəsində batıb.”
Hücumdan sonra limandakı bütün işçilər təxliyə edilərkən, yanğınla mübarizə üçün əraziyə 100-dən çox yanğınsöndürən və xüsusi qatar göndərilib. Hücum nəticəsində ölən və ya yaralanan olub-olmadığı barədə hələlik məlumat yoxdur.
Rusiyanın Qara dənizdəki ən böyük çıxış nöqtələrindən biri kimi tanınan Kavkaz Limanı Krıma həm ixrac, həm də yanacaq doldurmaq üçün gəmilərə xidmət edir.
Mənbə: TGRT