Bugun.tv xəbər verir ki, ABŞ-ın Ukrayna üzrə keçmiş xüsusi nümayəndəsi, istefada olan general-leytenant Kit Kelloq Ukraynada qadınların hərbi xidmətə səfərbər edilməsini dəstəkləyib.
Kelloq bu barədə avqustun 24-də Ukraynanın “Naspravdi MAX” YouTube kanalına müsahibəsində danışıb. O, qadınların kişilər qədər yaxşı döyüşə bildiyini və cəmiyyətin bir hissəsi kimi onların da hərbi xidmət keçməsinin vacib olduğunu bildirib.
General öz ailəsinin hərbi təcrübəsini də nümunə göstərib. Onun sözlərinə görə, qızı ABŞ Hərbi Akademiyasını bitirib və Əfqanıstanda xidmət edib. Həyat yoldaşı isə hərbçi və paraşütçü olub, Qrenadadakı hərbi əməliyyatlarda iştirak edib.
Kelloq qadınların səfərbər edilməsində nə şəxsi, nə də peşəkar baxımdan problem gördüyünü deyib.
Onun açıqlaması Ukrayna ordusunda canlı qüvvə çatışmazlığının müzakirə edildiyi bir vaxtda səslənib. Bununla belə, Kelloqun sözləri Ukrayna hökumətinin qadınların məcburi səfərbər edilməsi barədə qəbul etdiyi qərar kimi qiymətləndirilməməlidir. Bu, onun şəxsi mövqeyidir.
Mənbə: mail.ru