Bugun.tv-nin araşdırmasına görə, oyunlarına rəng qatmaq, bəzən də gerçəkləşəcəyini ümid etdikləri xəyallar haqqında yalan danışan uşaqlar böyüdükcə bunun mənfi nəticələrini öyrənməyə başlayırlar.
Onlar yalanın başqalarına zərər verə biləcəyini düşünmürlər. Mütəxəssislər isə 6 yaşa qədər olan azyaşlıların yalan danışmağını inkişaf əlaməti kimi qəbul edirlər. Beləliklə, uşağınızın yalan danışması, onun pis olması demək deyil.
Bəs, uşaqlar niyə yalan danışır? Yalan danışan uşağa necə yanaşmaq olar? Məktəbəqədər Müəllim və Təhsil Mütəxəssisi Emine Özenin sözlərinə görə, körpələr yalan danışmaq qabiliyyəti ilə deyil, həyatda qalma instinkti ilə doğulurlar. Buna görə də həyatda qarşılaşdıqları vəziyyətləri həll etmə qabiliyyətləri, yaşadıqları təcrübələrlə inkişaf edir və müxtəlif olur.
“Təcrübə qazanarkən sosiallaşan uşağın yalan danışmağa meyllilik səbəbləri arasında oyunlarını daha rəngarəng etmək, cəza və məsuliyyətdən qaçmaq, həzzin uzanması ola bilər. Digəri isə baxımsız qalan uşaq kifayət qədər diqqət görməmişsə, diqqəti cəlb etmək üçün yalan danışar. O, başqalarına nümunə göstərməyə və ya onların öhdəsindən gəlməyə çalışa bilər. Onlar həm də çətinlik çəkdikləri mənfi hiss və düşüncələri aradan qaldırmaq və sosial qəbul etmək üçün yalan danışırlar”,- E.Özen bildirib.
Mənbə: TRT Haber