Bugun.tv xəbər verir ki, bununla bağlı bir neçə versiyada fikirlər var.
İlkin versiya elmi yanaşmalıdır . Belə ki, qara rəng ən suyadavamlı rəng hesab edilir. Həmçinin, qayığa qara rəng verən zift (qətrana bənzər maddə) onun uzunömürlü olmasını təmin edir.
Sonrakı fikirlər isə daha çox miflərə əsaslanır.
Fərziyyələrə görə, 1300-cü illərin ortalarında İtaliyada olan vəba səbəbilə kilsəyə müalicəyə səbəbi ilə aparılan insanların çoxu bu qayıqlarda ölür. Daha sonra verilən qərara əsasən, bütün qayıqlar matəm rəngi kimi qaraya boyanır.
Başqa əfsanəyə görə isə qayıqçı bir gənc, varlı bir ailənin qızını sevər, lakin qızın ailəsi onların evlənməsinə razılıq verməz. Oğlan isə qayıqda intihar edər. Bu hadisədən sonra bütün qayıqçılar qayıqları qaraya boyayır.
Digər versiyaya görə isə əvvəllər qayıqlar rəngarəng idi və insanlar “Ən gözəl qayıq mənimdir” yarışında idilər. Bu yarış və davaların qarşısını almaq üçün şəhərin idarəçiləri bütün qayıqların qaraya boyanması qərarını verir.