İqtisadçı deputat Vüqar Bayramov sosial media hesabında paylaşım edərək son diplomatik səfərlər və iqtisadi göstəricilərlə bağlı fikirlərini açıqlayıb.
Onun sözlərinə görə, son bir həftə ərzində Azərbaycana Latvia və Ukrayana prezidentlərinin səfərləri ölkənin geosiyasi gücünü nümayiş etdirən mühüm faktorlardandır. Səfərlər zamanı 11 sənədin imzalanması ikitərəfli əməkdaşlığa artan marağın göstəricisi kimi dəyərləndirilib.
AZƏRBAYCAN–UKRAYNA TİCARƏTİ ARTIR
Bayramov qeyd edib ki, son 2 ildə Azərbaycan–Ukrayna ticarət dövriyyəsi 31% artaraq 510 milyon dollara çatıb. Ötən il isə 11% artım qeydə alınıb. Hazırda Azərbaycanın Ukraynaya ixracı 227 milyon dollar təşkil edir və ölkənin qeyri-neft ixracının 5.5%-i bu bazarın payına düşür.
AZƏRBAYCANIN GEOSİYASİ ROLU GÜCLƏNİR
Deputat bildirib ki, yeni dünya nizamının formalaşdığı dövrdə regional çətinliklərə baxmayaraq Prezident İlham Əliyevin rəhbərliyi ilə həyata keçirilən siyasət Azərbaycanın geosiyasi mövqeyini daha da gücləndirib və ölkəni “orta güc” statusuna yaxınlaşdırıb.
Onun fikrincə, çoxvektorlu xarici siyasət Azərbaycanın həm Qərb, həm də Şərq ölkələri ilə tərəfdaşlığını genişləndirərək regional təhlükəsizliyə töhfəsini artırır.
ENERJİ TƏHLÜKƏSİZLİYİNDƏ STRATEJİ ROL
Bayramov əlavə edib ki, Azərbaycan Avropanın enerji təhlükəsizliyində mühüm rol oynayır. TAP Pipeline vasitəsilə indiyədək Avropaya 58 milyard kubmetrdən çox qaz nəql edilib.
Hazırda Avropa İttifaqının 10 üzvü daxil olmaqla 16 ölkə Azərbaycandan təbii qaz alır. Onun sözlərinə görə, Azərbaycan qaz ixrac edən ölkələr arasında təchizat coğrafiyasına görə liderlərdən biridir və Avropa İttifaqında idxal həcminə görə ilk beşlikdə yer alır.