Bugun.tv xəbər verir ki, hadisə Mozambikdə yaşanıb. Bu barədə ölkənin Səhiyyə Nazirliyi məlumat paylaşıb. Müvafiq olaraq, 2022-ci ilin oktyabr ayından bəri davam edən epidemiyada ölənlərin sayı 121-ə yüksəlib.
Son 24 saatda 237 nəfərdə vəba aşkarlanıb. Ümumi yoluxma sayı 26 min 60-a yüksəlib.
Zambezia, Niassa, Tete, Manica və Sofala ən çox epidemiyaya məruz qalan bölgələr siyahıya düşüb.
Epidemiya ilə mübarizə aparan Mozambik ötən ay 1,7 milyon doza peyvənd alıb.
“Vibrio” bakteriyasının yaratdığı qida və su ilə yoluxan vəba orqanizmdə şiddətli ishal və susuzluq yaradır. Xəstəlik müalicə olunmazsa, ölümlə nəticələnə bilər.
Təmiz suya olan ehtiyacın ödənilə bilməməsi, təcili və effektiv tibbi müdaxilənin təmin edilməməsi xəstəlik və ölüm riskini artırır.
Mənbə: TRT haber