Bugun.tv xəbər verir ki, xarici diplomlar artıq ölkəmizdə yeni qaydalar əsasında tanınacaq.
Xarici dövlətlərin səlahiyyətli orqanları tərəfindən verilən, ali təhsilin növbəti səviyyələri üzrə təhsili davam etdirmək və ya ixtisasına uyğun işləmək üçüm əldə verilən diplomların ölkəmizdə təsdiqinə dair tələblər müəyyən edilib.
Bu barədə Təhsilin Keyfiyyətinə Nəzarət Agentliyi məlumat yayıb. Müvafiq ali təhsil səviyyəsi üçün müəyyən edilmiş minimal kredit sayını toplamayan və dissertasiya işi yazmayan şəxslərin ali təhsil kvalifikasiyalarının şərti tanınması həyata keçiriləcək.
Yeni qaydaya, əsasən xarici ali təhsil müəssisələrinin rus, ingilis və türk dillərində təqdim etdiyi təhsil sənədlərinin azərbaycan dilinə tərcümə və təsdiqi tələb olunmayacaq.
Diplomların tanınması xarici ölkədə əldə edilən orta təhsil haqqında attestat və kollec diplomlarına da aiddir. Qərardan narazı olanlar isə Elm və tehsil Nazirliyinin tabeliyində fəaliyyət göstərən appelyasiya komitəsinə müraciət edə bilərlər.