Bugun.tv xəbər verir ki, soqırımla bağlı ölkədə silsilə tədbirlər keçirilir.
“Bu faciə unudulmamalı və unutdurulmamalıdır”. Bu fikirlər, Xocalı soyqırımı ilə bağlı Yasamal rayon 53 saylı orta məktəbdə keçirilən anım günündə səsləndirilib.
Allahdan bütün şəhidlərimizə rəhmət dilənib. Onların ruhu bütün siniflərdə bir dəqiqəlik sükutla yad edilib. Səsucaldılan vasitəsi ilə Xocalı soyqırımı haqqında məktəblilərə ətraflı məlumat verilib.
Bununla yanaşı, bu təhsil ocağının foyesində şagirdlərin soqırıma həsr etdikləri rəsmlər sərgilənib.
Qeyd edək ki, Xocalı soyqırımına ilk dəfə Ümummilli Lider Heydər Əliyevin təşəbbüsü ilə ölkə Parlamenti tərəfindən siyasi-hüquqi qiymət verilib. 26 fevral tarixi Xocalı Soyqırımı Günü elan olunub. Törədilən cinayətin beynəlxalq ictimaiyyətə çatdırılması, təqsirkarların ədalət mühakiməsinə verilməsi istiqamətində tədbirlər bu gün də davam edir.
Xocalı soyqırımından 31 il ötür
