Xüsusi təyinatlı şəhid komandir Azər Mikayılovun anım günüdür
Azər Mikayılov 1980-ci il avqustun 1-də Kəlbəcər rayonunun Quzeyçirkin kəndində anadan olub.
Bugün.tv xəbər verir ki, Azərbaycan Ordusunun mayoru Azər Mikayılov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın azadlığı uğrunda gedən döyüşlərdə savaşıb.
Qeyd edək ki, Azər Mikayılov oktyabrın 12-də Cəbrayıl döyüşləri zamanı şəhid olub.
Azərbaycanın ərazi bütövlüyünün bərpa edilməsində onun xüsusi xidmətləri olub. Düşmənin məhv edilməsi üzrə qarşıya qoyulmuş döyüş tapşırıqlarını qəhrəmanlıqla yerinə yetirib, hər bir döyüşdə şəxsi igidliyini və şücaətni şərəflə nümayiş etdirib.
Mayor Azər Mikayılov ölümündən sonra Azərbaycan Respublikasının Prezidenti İlham Əliyevin sərəncamına əsasən “Qarabağ”ordeni, “Vətən uğrunda” və “Füzulinin azad olunmasına görə” medalları ilə təltif edilib.
ALLAH RƏHMƏT ELƏSİN!
