Qatil İsrailin 7 oktyabrdan bəri Qəzzada törətdiyi qətliam Fələstin dövlətinin dünyada tanınması çağırışlarını yenidən gündəmə gətirib.
Nəhayət, İspaniya, İrlandiya, Malta və Sloveniya Fələstini “şərtlər uyğun gələndə” tanımağa hazır olduqlarını, Yamayka isə Fələstini rəsmi olaraq dövlət kimi tanıdığını açıqlayıb.
Yamaykanın Xarici İşlər və Xarici Ticarət Naziri Kamina Conson Smit mətbuata açıqlamasında bildirib ki, “Yamayka uzun müddətdir davam edən münaqişəni (İsrail və Fələstin arasında) həll etmək üçün yeganə əlverişli variant kimi iki dövlətli həll yolunu müdafiə etməyə davam edir”.
Smit qeyd edib ki, Nazirlər Şurasının dünən keçirilən iclasından sonra Fələstini dövlət olaraq rəsmən tanımaq qərarına gəliblər.
Gərginliyin azaldılması və bölgədə daimi sülhün əldə edilməsi üçün bütün səyləri dəstəkləməyə davam etdiklərini bildirən Smit tərəfləri problemi diplomatik yollarla həll etməyə çağırıb.
Barbados administrasiyası aprelin 20-də Fələstini dövlət kimi tanımaq qərarına gəlib.
Xatırladaq ki, Fələstinin əfsanəvi lideri Yasir Ərəfat 15 noyabr 1988-ci ildə Əlcəzairdə keçirilən Fələstin Milli Şurasının iclasında paytaxtı Qüds olan müstəqil Fələstin dövlətinin qurulmasını ehtiva edən “Müstəqillik Bəyannaməsi”ni elan etdi.
Müstəqillik uğrunda mübarizə aparan Fələstin xalqına ən böyük siyasi dəstəyi verən Türkiyə yeni dövləti tanıyan ilk ölkələr sırasında oldu.
Fələstinin ürəyi olan Qüdsdə müsəlmanların ilk qibləsi və Məhəmməd peyğəmbərin Merac səfərinə çıxdığı Məscidül-Əqsa, həmçinin xristianların və yəhudilərin ən müqəddəs yerləri yerləşir.
Bu səbəbdən tarix boyu hücumlara və işğallara səhnə olan Fələstinin bu gün yaşadığı ağrılı proses, I Dünya Müharibəsi zamanı İngiltərənin Osmanlı İmperatorluğunun himayəsində bölgəni işğal etməsi ilə başladı. Fələstini işğal edən ingilislər 1917-ci il dekabrın 9-da müqəddəs Qüds şəhərinə daxil olublar.
Fələstinin taleyi Qüdsün işğalından az əvvəl, 2 noyabr 1917-ci ildə Balfour Bəyannaməsi kimi tanınan məktubla dəyişdi.
İngilislər dünyanın hər yerindən Fələstin torpaqlarında məskunlaşan yəhudi köçkünlərə göz yumdular. Sayıları günü-gündən artan yəhudilər tarixi Fələstin torpaqlarında məskunlaşmağa başladılar.
Ərəblər və yəhudilər arasında artan münaqişələr səbəbindən ingilislər məsələni Birləşmiş Millətlər Təşkilatına (BMT) qaldırdılar. BMT-nin 1947-ci ildə qəbul etdiyi bölgü planında Fələstin torpaqlarının 55 faizi İsrailə, ərəblərə isə vətənlərinin cəmi 45 faizi verilmişdi. Xüsusi statusa tabe olan Qüdsün beynəlxalq ictimaiyyətin nəzarətinə verilməsi qərara alınıb.
Bu qərar regionda vəziyyətin daha da mürəkkəbləşməsinə səbəb olub.
İngiltərənin bölgədəki mandatının sona çatmasından sonra İsrail 1948-ci il mayın 14-də Fələstin ərazisi üzərində müstəqilliyini elan etdi.
Müstəqillik əldə etdikdən bir gün sonra Misir, Suriya, Livan və İordaniya daxil olmaqla ərəb ölkələri İsrailə müharibə elan etdilər. İsrail müharibədə qalib gəldi və Qərbi Qüdsü işğal etdi.
1967-ci ildəki müharibədə İsrail Şərqi Qüdsə və İordan çayının qərb sahilinə girdi və bütün Fələstin torpaqlarını işğal etdi. Fələstin bayrağı BMT-nin qərargahındadır.
Fələstin hələ də BMT-nin tamhüquqlu üzvü olmasa da, 2015-ci ildə “üzv olmayan müşahidəçi dövlət” statusu alması bu yolda mühüm addımdır.
Bu status sayəsində Fələstin bayrağı BMT-də qaldırıldı.
Fələstin prezidenti Mahmud Abbas, 2016-cı ildə verdiyi açıqlamada, “Fələstinin BMT-yə tam üzv olmaq hüququ əldə etməsində qərarlı olduqlarını və bütün beynəlxalq təşkilatlara üzv olacaqlarını” söylədi.
Mənbə: Ahaber