Bugun.tv-nin Milli Hidrometeorologiya Xidmətindən əldə etdiyi məlumata əsasən, Bakı və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Arabir güclənən şimal-qərb küləyi günün ikinci yarısında şimal-şərq küləyi ilə əvəz olunacaq.
Havanın ümumi temperaturu gecə 5-8°, gündüz 8-12° isti olacaq. Bakıda isə gecə 6-8°, gündüz 9-11° isti gözlənilir. Atmosfer təzyiqi 769 mm civə sütunu təşkil edəcək. Nisbi rütubət 60-70 % olacaq.
Azərbaycanın əksər rayonlarında əsasən yağmursuz hava şəraiti, lakin bəzi şərq rayonlarında isə az yağıntılı olacağı gözlənilir. Dağlıq rayonlarda zəif qar yağacağı ehtimalı var. Bəzi yerlərdə duman olacağı, bəzi yerlərdə isə Qərb küləyinin arabir güclənəcəyi gözlənilir.
Havanın temperaturu gecə 1° şaxtadan 4°-dək, gündüz 10-15° isti, dağlarda gecə 0-5° şaxta, gündüz 5-10° isti olacaq.