Baş xəbərDünya

Yaponiya sahillərində qəzaya uğrayan ABŞ hərbi təyyarəsinin 6 ekipaj üzvünün cəsədi tapıldı

Bugun.tv xəbər verir ki, ötən həftə Yaponiyanın cənub sahillərində qəzaya uğrayan ABŞ Hərbi Hava Qüvvələrinə məxsus “CV-22 Osprey” tipli hərbi-nəqliyyat təyyarəsinin 6 ekipaj üzvünün cəsədi tapılıb. Rəsmi Kyodo agentliyinin məlumatına görə, Yaponiya Sahil Mühafizəsi ötən həftə ölkənin cənubundakı Yakuşima adasının sahillərində qəzaya uğrayan 8 nəfərin olduğu ABŞ ordusuna məxsus hərbi təyyarə ilə bağlı açıqlama verib.

TRT Haber-in məlumatına görə, açıqlamada bildirilib ki, Yaponiya Özünümüdafiə Qüvvələri (SDQ), Sahil Mühafizəsi və yerli balıqçılarla əməkdaşlıq çərçivəsində aparılan işlərdə indiyədək təyyarənin 6 ekipaj üzvünün cəsədi tapılıb və axtarışlar davam edir. 2 nəfərlik fəaliyyətlər davam edir. Tokionun qərbindəki Yokota aviabazasında fəaliyyət göstərən ABŞ Hərbi Hava Qüvvələrinə məxsus “CV-22 Osprey” nəqliyyat təyyarəsi noyabrın 29-da yerli vaxtla saat 14.40 radələrində ölkənin cənubundakı Yakuşima adasının sahillərində qəzaya uğrayıb. Yaponiyanın müdafiə naziri Kihara Minoru qəzadan sonra verdiyi açıqlamada ABŞ-ı bu təyyarələrin təhlükəsizliyini təsdiqləməyə çağırıb.

Yaponiya Müdafiə Nazirliyindən verilən açıqlamada “CV-22 Osprey” tipli nəqliyyat təyyarəsinin hələlik yerdə saxlanacağı bildirilib.

Teymur Əziz

Oxşar xəbərlər

Yerusəlim kilsəsində Müqəddəs Od enib

Nigar Məmmədova

Prezident Ərdoğan G20 Liderlər Zirvəsi üçün Hindistana gedir

Teymur Əziz

Anbarda yanğın oldu

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu