Səhər saatlarında Mingəçevir şəhəri ərazisində yol-nəqliyyat hadisəsi baş verib.
Bu barədə Bugun.tv -yə Daxili İşlər Nazirliyinin Mətbuat Xidmətinin Şəki regional qrupundan bildirilib.
Belə ki, Bərdə rayon sakini Məhəmməd Məmmədovun idarə etdiyi “Toyota” markalı avtomobil əvvəlcə “Mercedes” markalı avtomobillə toqquşub. Daha sonra isə yolun kənarı ilə hərəkətdə olan piyada, 58 yaşlı Xəyyam Hüseynovu vurub. O, aldığı xəsarətlərdən hadisə yerində ölüb.
Faktla bağlı araşdırma aparılır.