Bugun.tv xəbər verir ki, yol patrul xidmətinin əməkdaşları yükdaşıma qaydalarını pozan şəxsi saxlayıb. Hadisə zamanı “saxla” işarəsi verilən “Howo” markalı, 21-BJ-353 dövlət qeydiyyat nişanlı yük avtomobilinin sürücüsü İbrahimov Rəhman Sahib oğlu polisin tələbinə tabe olmayıb.
Baş DYP İdarəsinin YPX Alayının VII taqımının əməkdaşları tərəfindən görülən tədbirlər nəticəsində Rəhman İbrahimov saxlanılıb.
Sürücü barəsində Azərbaycan Respublikası İnzibati Xətalar Məcəlləsinin müvafiq maddəsinə əsasən inzibati protokol tərtib edilərək məhkəməyə göndərilib. Məhkəmənin qərarı ilə R.İbrahimov inzibati qaydada həbs edilib.
Bir daha sürücülərin diqqətinə çatdırırıq ki, belə hüquqazidd əməllərə yol verən şəxlərlə bağlı ciddi tədbirlər həyata keçiriləcək.