ABŞ-da yanan 3000-dən çox avtomobili daşıyan yük gəmisi Alyaska sahillərində batıb.
ABŞ Sahil Mühafizəsinin məlumatına görə, iyunun 3-də “Morning Midas” yük gəmisində yanğın baş vermişdi.
Çin-Meksika səfərində olan Liberiya bayraqlı gəmidə baş verən yanğından sonra ekipaj ilk yardım çağırışı edib.
Yanğınsöndürmə və xilasetmə qrupları yanğından 1 həftə sonra yük gəmisinə çata bilib.
Xilasetmə əməliyyatları zamanı 22 nəfərlik ekipaj təxliyə edilib. Gəmidə baş verən yanğını söndürmək mümkün olmayıb.
3 həftə dənizdə sürüklənən “Morning Midas” bu həftənin əvvəlində Alyaskanın Adak şəhərindən təxminən 720 kilometr cənub-qərbdə çevrilib.
182 metr uzunluğundakı gəmi yükündəki 3048 avtomobillə təxminən 5000 metr dərinliyə batdı.
Hadisənin Şimali Sakit okean bölgəsində dəniz naviqasiyası təhlükəsizliyini poza biləcəyi və gəmidəki 1800 tondan çox yanacağın sızma potensialının olduğu bildirilib.
Bildirilib ki, yanğına gəminin yükündəki elektrik avtomobilləri səbəb ola bilər.
Mənbə: İlkha