Bugun.tv xəbər verir ki, Kağız qırıntıları ilə yüklənmiş yük maşını alovlanıb.
“TRT Haber”in məlumatına görə, yük maşını Şimali Mərmərə şossesi ilə hərəkət edərkən alovlanıb və yararsız hala düşüb.
Anadolu Fənəri yaxınlığından Ədirnəyə doğru hərəkət edən kağız qırıntıları ilə dolu yük maşınında naməlum səbəbdən yanğın baş verib.
Vəziyyəti anlayan sürücü avtomobili təhlükəsizlik zolağına çəkib və yanğınsöndürmə bölməsinə məlumat verib.
Hadisə yerinə gələn yanğınsöndürənlər yanğını söndürərkən, yük maşını yararsız hala düşüb.
Müxbir: İntizar Əmirova
